بورتسودان :نضال عثمان
قال رئيس المقاومة الشعبية لنصرة الوطن واحد زعماء قبيلة المسيرية الشيخ احمد صالح صلوحه أن ابنائنا غدر بهم ومافي حاجه اسمها دولة ٥٦ دولة العنصرية البكلمونا عنها ولافي جلابة والجلابه معانا في المجلد والضعين ساهموا معانا في اعمار البلد وعملونا واتعلموا منانا واولادهم قروا معانا وقروا معانا مصريين واقباط.
وأكد خلال استضافته بتلفزيون السودان ان مايقال عن السودان غير صحيح الروشتات التي سلمونا ليها فلول وغيرها ، وتابع بالقول على سبيل المثال المليشيا تطارد المزارعين وتقول هولاء فلول فلول شنو ياخي بمشوا للزراعة في الجنينه.
المزيد من المشاركات
وزاد قائلا هذه فرية و المليشيا استخدموها استخدام خاطئ واستخدموا طاقاتنا وللأسف الحرب فقدنا فيها رجال وترملت نسائنا وخلفت أيتام في حرب غير معرفة ولاندري مقاصدها.
وخاطب صلوحه أبناء المسيرية قائلا أمس انت اكلتوا بابنوسه كيف انت تخربو بيوتكم ومحلكم انا بقول ليكم الحكاية دي غلط ويجب ان نرجع وانت دخرنا ونحن ولدناكم شان نختكم في المكان الصحيح ولايعقل زول نحن ولدنا وربينا وعلمنا عشان نفقدو طا في حرب غير معرفة بدون أهداف الناس ديل يرجعوا ويعودوا.
وختم حديثه قائلا بالنسبة لأهل السودان الحرامي ماعندو قبيله والحرب المقصود منها تفتيت عضد الوحدة الوطنية ومسألة التشيير عن القبائل معنية بإضعاف البنية المجتمعية ومن ثم إضعاف الدولة.